Գրքեր
Հարց 75 - Ի՞նչ է իրենից ներկայացնում հրեշտակների օրհնաբանությունը կամ ի՞նչ են ասմունքում նրանք:

Պատասխան – Սուրբ Ներսես Շնորհալին ինը դասերի համար առանձին-առանձին այսպիսի օրհնություններ է սահմանել.

Առաջին աթոռի դասերն ասում են. «Քո աթոռն Աստված հավիտյանս հավիտենիս» (Սաղմ. 44:7):

Երկրորդ դասը՝ քերովբեներինը, ասում է. «Օրհնեալ է Տիրոջ փառքը՝ Իր բնակատեղիում» (Եզեկ. 3:12):

Երրորդ դասը՝ սերովբեներինը, ասում է. «Սուրբ, Սուրբ, Սուրբ է զորությունների տերը, և ամբողջ երկիրը լի է Նրա փառքով» (Եսայի 6:3):

Չորրորդ դասը՝ տերություններինը, ասում է. «Քո արքայությունն արքայություն է հավիտենից, և Քո տերությունը՝ սերնդից սերունդ» (Սաղմ. 144:13):

Հինգերորդ դասը՝ զորություններինը, ասում է. «Կարողությամբ հզոր Տերն է Նա, պատերազմում զորեղ Տերը» (Սաղմ. 23:9):

Վեցերորդ դասը՝ իշխանություններինը, ասում է. «Հեթանոսներին Քեզ կտամ որպես ժառանգություն, ու իշխանություն՝ երկրի ծագերում» (Սաղմ. 2:8):

Յոթերորդ դասը՝ պետություններինը, ասում է. «Դու հավիտյան քահանա ես…, և Տերը Քո աջ կողմում է» (Սաղմ. 109:4-5):

Ութերորդ դասը՝ հրեշտակապետերինը, ասում է. «Ողորմի՛ր. Դու ես ստեղծել և մի՛ կործանիր ու մի՛ անտեսիր ձեռքիդ գործերը» (Սաղմ. 137:8):

Իններորդ դասը՝ հրեշտակներինը, որ Տիրոջ Ծննդյան ժամանակ երգեց, ասում է. «Փառք Աստծուն՝ բարձունքներում, և երկրի վրա խաղաղություն և հաճություն՝ մարդկանց մեջ»: (Ղուկ. 2:14):

ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․