Գրքեր
Ինչո՞ւ Աստված Ենովքին աշխարհից փոխադրեց:

Մեղքի մեջ չընկնելու համար, քանի որ հիշյալ անձը առաքինի էր, Աստված նրան սիրելու պատճառով մեղավորների միջից այլ տեղ փոխադրեց, որ հանկարծ մեղքի մեջ չընկնի (Իմաստ. Դ 10): Մանավանդ, որ մարդիկ իրենց հույսը չկտրեն Աստծո ողորմությունից և արքայությունից, այլ եռանդով և սիրով տքնեն Նրան հաճելի լինելով արքայությանը արժանանալ: Եվ դարձյալ, [որպեսզի] հայտնի լինի, որ եթե Ադամը հնազանդության մեջ մնար, առանց մահ ճաշակելու արքայություն պիտի փոխադրվեր: Արդ, Ենովքը ամեն առումով հնազանդ էր, որի համար էլ Աստված նրան վերցրեց, որպեսզի հայտնի դառնա, որ մարդու մահվան ենթակա լինելը միայն մեղքի պատճառով է (Իմաստ. Բ 23):

Սրանից բացի, եթե մարդիկ չմեղանչեին, բոլորն էլ արքայություն պիտի գնային, բայց այժմ ովքեր ճշմարիտ հավատքով հնազանդվում են Քրիստոսին (Մեսիային), միայն նրանք են արքայության արժանանում: Ենովքի որտեղ փոխադրվելը այս գլխի մեջ գրված չլինելով հանդերձ, այն ու ամենայնիվ Ս. Գիրքը մեկ այլ տեղ «Դրախտ» անունով է հիշատակում այն (Սիրաք ԽԳ 16): Ս. Եկեղեցին նույնպես Ենովքի գտնված վայրը Վերին Երուսաղեմ և դրախտ է անվանում: Ենովքը բնական օրենքի, իսկ Եղիա մարգարեն մովսիսական օրենքի ժամանակներում հավատարիմ վկաներ լինելով, աշխարհի վերջին՝ Նեռի ժամանակներին, նորից պիտի գան՝ քրիստոնեական սուրբ հավատի ճշմարտությունը մարդկանց քարոզելու համար (Մաղաք. Դ 5: Տես նաև Հայտ. ԺԱ 3):

 

Պողոս եպս. Ադրիանուպոլսեցի, «Զազանութիւն հինգ դարուց», Հատոր Ա, Վաղարշապատ, 1902

ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․