Հարց 19 - Ինչո՞ւ է Քրիստոս, հարությունից հետո, Մագդաղենացուն ասում. «Մի՛ մոտեցիր ինձ» (Հովհ. 20:17):



Գրքեր
Հարց 19 - Ինչո՞ւ է Քրիստոս, հարությունից հետո, Մագդաղենացուն ասում. «Մի՛ մոտեցիր ինձ» (Հովհ. 20:17):

Պատասխան – Եռամեծ Գրիգորը մի շարք բացատրություններ է տալիս: Փորձենք համառոտ ներկայացնել: Նախ «Մի՛ մոտեցիր ինձ» ասելով հայտնում է, թե այն, ինչ փնտրում ես, Սուրբ Հոգին կգա և կմեկնի քեզ համար: Երկրորդ՝ մարմնով մկրտված չէր, դրա համար ասաց՝ «մի՛ մոտեցիր», քանզի չմկրտվածները չեն կարող Քրիստոսին մոտենալ, անգամ եթե յուրայիններ են: Երրորդ՝ հայտնում է, որ միայն տղամարդիկ Պատարագ մատուցելու իշխանություն ունեն, իսկ կանայք չպետք է համարձակվեն այդ գործը կատարել: Չորրորդ՝ Քրիստոս Մարիամ Մագդաղենացուն ասաց. «Մի՛ մոտեցիր ինձ», որովհետև անկատար էր: Ճիշտ այդպես Եվան չպիտի մոտենար բարու և չարի գիտության ծառին: Ապա հավելում է, թե «երբ Հորս մոտ ելնեմ, որ բնությամբ է Ինձ Հայր, և ձեր Հոր մոտ, որ ձեզ շնորհով է Հայր, և առ Աստված՝ Ի՛մ մարմնի և Աստված ձեր՝ ըստ հոգու և մարմնի, և Իմ՝ Նրա աջ կողմը նստելով, Սուրբ Հոգին կիջնի որոտմամբ և ձեզ շնորհով կատարյալ կդարձնի, որով արժանի կլինես հաղորդությամբ Ինձ մոտենալ, Մարմինս ու Արյունս ճաշակել»:

ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․