Գրքեր

Արձանիկը

Տասներկուամյա աղջնակը փափագում էր մի գեղեցիկ, թանկարժեք արձանիկ գնել, սակայն բավարար գումար չուներ, քանի որ ապրում էր չքավոր ընտանիքում: Խնդրում է Աստծուն օգնել, բայց այդպես էլ սպասված օգնությունը չի ստանում: Եվ երկար ժամանակ անց, առավոտյան դպրոց գնալիս, մի ծերունի է մոտենում և ասում. - Մշտապես նկատել եմ, թե ինչպես ես ամեն անգամ իմ խանութը մտել և ցանկացել արձանիկը գնել, սակայն գումար չես ունեցել: Որոշեցի այն նվիրել քեզ:

Աղջիկը շատ է ուրախանում և պատասխանում.

- Թեև Աստծուն շատ էի աղոթում, բայց այլևս չէի սպասում, որ այդ արձանիկը կունենամ:

Ծերունին շարունակում է.

- Աստված նայեց և տեսավ, որ այս արձանիկն այլևս նպատակ չես համարում քո սրտում, այլ միջոց է գրասեղանդ զարդարելու համար: Եվ այդժամ ինձ ուղարկեց, որպեսզի այն փոխանցեմ քեզ:

 

Երբ միջոցները դառնում են նպատակ, թեև մարդը շատ անգամ չի նայում իր սրտին և դա նկատում, Աստծուց սպասված աջակցությունն ուշանում է կամ էլ` չի իրականանում, քանի որ Աստծո փոխարեն սրտում բնակվող այդ նպատակը հետագայում հաճախ կուռքի է վերածվում...

 

 

Հովհաննես սրկ. Մանուկյան

11.06.17
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․