Հոգետես և սքանչելագործ հայրերի մասին

Հայր Պողոս Պարզամիտն ասաց. «Իմ աշակերտն ընկավ մեղքե­րի մեջ և դրանց մեջ էլ մեռավ: Ես Տիրոջն աղաչեցի ցույց տալ նրան, և ահա տեսա նրան անլույս խավարի մեջ և անշարժ` ինչպես քար, և հիշեցի Տիրոջ խոսքը, որ ասում է. «Կապե՛ք դրա ձեռքերն ու ոտքերը» (Մատթ. ԻԲ, 13): Եվ ուշքի եկա, իմ ծերությունը տվեցի պահքերի ու արտասուքների և բարեխոս բռնեցի սուրբ Աստվածածնին: Եվ երևաց ինձ սուրբ Կույսը և ասաց. «Մի՛ տրտմիր, ես նրան ուղարկեցի քո առ­ջև»: Եվ աշակերտս եկավ ինձ մոտ՝ լի խնդությամբ և շնորհակալու­թյամբ. «Հանուն քեզ, հա՛յր, ինձ ազատեց սուրբ Աստվածածինը»: Եվ ասաց ինձ սուրբ Տիրուհին. «Ահա տեսար. ուրա՛խ եղիր և միշտ հիշի՛ր նրան պատարագներով, աղոթքներով և ողորմությամբ, քանզի դրանք հույժ օգտակար են բոլոր ննջեցյալներին»:

«Սուրբ հայրերի վարքն ու կենցաղավարությունը» գրքից, Հատոր Ա, Էջմիածին 2016