Գրքեր

Ինչ խնդրել...

Մի շատ գեր տղամարդ գալիս է անտառում բնակվող ծեր վանականի մոտ և ասում.

- Հա՛յր սուրբ, չգիտեմ, թե Աստծուն ինչ խնդրել, որ արագ իրականություն դառնա, միգուցե նոր մեքենա՞, կամ նոր տո՞ւն... կամ էլ՝ մի շատ փոքր խնդրանք ունեմ...՝ մի լավ բազմոց և նոր հեռուստացույց...: Լսեցի, որ իմաստուն մարդ ես, գիտես, թե ինչպես աղոթել և ինչ խնդրել: Ինձ քո աշակերտը դարձրու և սովորեցրու այնպիսի բան խնդրել, որ Աստծուն հաճելի լինի, և Նա արագ իրականացնի: Ես լավ կվճարեմ քեզ դրա համար:

Վանականը վերցնում է իր պարկը և ասում.

- Արի՛ իմ ետևից, ես կսովորեցնեմ, թե ինչ խնդրել:

Անտառի միջով գնում են, նստում գետի ափին գտնվող նավակը, այնուհետև թիավարելով հասնում գետի մեջտեղը: Վանականը պարկից հանում է մի մուրճ և մեծ մեխեր ու մեխով ծակում նավակը: Ջուրը սկսում է լցվել ներս: Գեր տղամարդը սարսափած գոչում է.

- Այս ի՞նչ արեցիր, մենք կխեղդվենք, Տե՛ր Աստված, փրկի՛ր ինձ, փրկի՛ր ինձ...

Վանականը ժպտում է և ասում.

- Իսկ դու հարցնում ես, թե ինչ խնդրել... ահա, թե ինչ է պետք խնդրել՝ փրկությո՛ւն, հավիտենակա՛ն փրկություն, այլ ոչ թե մեքենա, տուն, բազմոց ու հեռուստացույց: Իսկ այժմ, մի՛ վախեցիր, չես խեղդվի, այս գետի ջուրը քո ծնկներից վեր չի կարող ծածկել:

 

Հովհաննես Մանուկյան

21.04.22
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․