Գրքեր

Մարդկային և աստվածային արդարություն

Հայր Պաիսիոսին հաճախ էին հարցնում, թե ինչ է արդարությունը: Ինչպե՞ս արդար վարվել: Հայր Պաիսիոսն ասում էր.

- Կա մարդկային արդարություն, և կա աստվածային արդարություն:

- Իսկ աստվածային արդարությունը ո՞րն է,- հարցնում էին նրան:

Այնժամ ծերը մի այսպիսի օրինակ էր բերում.

- Պատկերացրու, որ մարդը հյուր է եկել իր ընկերոջ մոտ և նրանք տաս սալոր ունեն: Նրանցից մեկը ութ սալոր կերավ, իսկ մյուսին երկուսը բաժին հասավ: Արդա՞ր է:

- Ո՛չ,- միահամուռ պատասխանում էին բոլորը,- արդար չէ:

Հայր Պաիսիոսը շարունակում էր.

- Ուրեմն այլ կերպ նայենք: Երկու ընկեր տաս սալոր ունեին: Նրանք հավասար բաժանեցին սալորներն ու յուրաքանչյուրը հինգ սալոր կերավ: Արդա՞ր է:

- Այո՛, արդար է,- ասում էին բոլորը:

- Բայց դա մարդկային արդարություն է,- նկատում էր Հայր Պաիսիոսը,- Աստվածային արդարություն էլ կա: Պատկերացրեք, որ ընկերներից մեկն, ով տաս սալոր ուներ, կռահելով, որ մյուս ընկերը շատ է սալոր սիրում, ասաց.

- Խնդրեմ կեր այս սալորները, ես այնքան էլ չեմ սիրում: Փորս էլ ցավում է դրանցից: Կարող եմ միայն մեկն ուտել:

- Ուրիշին տուր այն, ինչ նա ուզում է, այլ ոչ թե կեսը: Լավը տուր նրան, իսկ քեզ վատը պահիր: Հենց դրանում կլինի աստվածային արդարությունը,- իր պատմությունը եզրափակեց ծերը:

 

Ռուսերենից թարգմանությունը՝ Էմիլիա Ապիցարյանի   

18.06.17
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․