Մտքի արթնության կամ զղջման մասին | Mtqi Artnutyan Kam Zghjman Masin



Գրքեր

Մտքի արթնության կամ զղջման մասին

Մի ծեր ճգնավոր կար, որի սովորությունը և գործը այս էր. միշտ տխուր նստում էր իր խցում՝ դեմքը դեպի գետին խոնարհած, գլուխը շարժելով և հոգոց հանելով ասում էր. «Արդյո՞ք ինչ ես լինելու»: Այսպես էր անցկացնում իր կյանքի բոլոր օրերը: Հետո դարձյալ առժամանակ լռում էր, պարան էր հյուսում, ապա դարձյալ, գլուխը շարժելով, ասում. «Արդյո՞ք ինչ պիտի լինես»: Մի անգամ նրա մոտ եկավ մի եգիպտացի երիտասարդ եղբայր, ով մարտնչում էր պոռնկության դեմ, և աղաչեց ծերին աղոթք անել իր համար, որպեսզի իր միջից դուրս գա այդ պատերազմը: Ծերը աղոթք արեց և արժանավորապես աղաչեց Աստծուն նրա համար յոթ օր, իսկ ութերորդ օրը հարցրեց եղբորը. «Ինչպե՞ս է մարտդ, եղբա՛յր»: Եվ նա ասաց. «Վատ է, ո՛վ հայր, բնավ թեթևություն չզգացի»: Ծերը զարմացավ: Եվ ահա գիշերով ծերին երևաց սատանան և ասաց նրան. «Հավատա՛, ծե՛ր, առաջին իսկ օրը, երբ դու աղաչեցիր Աստծուն, ես նրանից հեռացա, սակայն նա մի առանձին դև ունի, և առանձին պայքար կա նրա որկորի մեջ: Ես նրա պայքարի հետ գործ չունեմ, այդ ինքն է իր դեմ մարտնչում. կուշտուկուռ ուտում է ու ննջում»:

 

«Սուրբ հայրերի վարքն ու կենցաղավարությունը» գրքից, Հատոր Ա, Էջմիածին 2016

04.02.18
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․