23 Նոյեմբեր, Եշ, Հիսնակաց պահքի Դ օր

Գրքեր

Փրկության տանող քայլերը

Եղբայրներն աբբա Անտոնի մոտ եկան ու հարցրեցին.

- Ասա՛ մեզ, ինչպե՞ս փրկվել:

Ծերը պատասխանեց.

- Լսե՞լ եք, թե Սուրբ Գիրքն ինչ է ասում: Դա բավարար է ձեզ համար:

Իսկ նրանք ասացին.

- Մենք քեզանից ենք ուզում լսել, Հա՛յր:

Ծերն ասաց.

- Ավետարանն ասում է. «Եթե մեկը քո աջ երեսին ապտակ տա, մյուս երեսդ էլ դարձրու նրան»:

Նրանք պատասխանեցին.

- Չենք կարող անել այդ:

- Եթե չեք կարող մյուսն էլ դարձնել, ապա գոնե մի ապտակը հանդուրժեք:

- Այդ էլ չենք կարող,- պատասխանեցին:

Ծերը պատասխանեց.

- Եթե այդ էլ չեք կարող, ապա մարդուն մի վճարեք նույնով, ինչ ստացել եք:

- Եվ դա չենք կարող:

Այդժամ ծերն իր աշակերտին ասաց.

- Մի փոքր շիլա եփիր նրանց համար, քանի որ տկար են: Եթե մեկը չեք կամենում անել, իսկ մյուսը՝ չեք կարող, ապա ես ի՞նչ կարող եմ անել: Աղոթել է պետք:

 

Ռուսերենից թարգմանությունը՝ Էմիլիա Ապիցարյանի   

04.07.17
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․