Գրքեր

Երբ գիտակցում ես

Կիզիչ արևի տակ շոգից թմրած և ծուլացած աշակերտը, ոտքերը քարշ տալով, գնում է վարդապետի հետևից և հարցնում.

- Չեմ կարողանում վատ ու մեղավոր մտքերի հանդեպ ուշադիր ու սթափ լինել և դրանք վանել, հատկապես այսպիսի եղանակին, թեև աղոթում եմ:

Վարդապետը պատասխանում է.

- Աղոթում ես, բայց իրականությանը դեռևս չես ուզում լրջությամբ նայել և գիտակցել... Գիտեի՞ր, որ այս արահետի շուրջբոլորը թունավոր օձերով է լեցուն:

Աշակերտը միանգամից սթափվում է և սկսում զգոնությամբ ու ուշադիր քայլել, զգուշանալ վտանգներից: Վարդապետն ասում է.

- Տեսնո՞ւմ ես, երբ իրավիճակը գիտակցում ես, կարող ես սթափ և ուշադիր լինել: Եթե նմանապես գիտակցես, որ վատ, գայթակղիչ, մեղավոր մտքերը թունավոր օձերի պես են, այդժամ միանգամից զգոն, ուշադիր և սթափ կլինես, չար մտքերը միանգամից կմերժես, կվանես, որովհետև չար մտքերն օձերի պես խայթում են մարդու հոգին և մահացու թունավորում: Արդ, զգո՛ւյշ եղիր դրանցից, ինչպես խայթող օձերից:

 

Հովհաննես Մանուկյան

06.01.24
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․