14 Օգոստոս, Ուր, Աստվածածնի պահքի Ե օր

Գրքեր

Իմ ապավենը

Մի աֆրիկացի սևամորթ քրիստոնյա եկեղեցուց վերադառնում է իրենց գյուղ: Մեծ հոգևոր ուրախության ու խաղաղության ապրումներ է ունենում, քանի որ այդ օրը եկեղեցուց վերադառնալիս զգում է Քրիստոսի ամբողջական ներկայությունն ու լիությունը: Ճանապարհով քայլելիս մռնչյուն է լսում: Քարացած կանգնում է. ճանապարհի կենտրոնում հայտնվում է մի ամեհի առյուծ ու քայլ կատարում դեպի քրիստոնյան: Այս մարդու սիրտը սկսում է արագ բաբախել, սառը քրտինքը պատում է նրան: Իր մտքում ասում է. «Քրիստոսն է իմ ապավենը և փրկիչը»: Այնուհետև ևս մեկ քայլ առաջ է գալիս. ետ շրջվել և փախչել, նշանակում է առյուծին զոհ դառնալ, որը նրան միանգամից եղնիկի նման որս կհամարեր: Սակայն հսկա այդ գազանը ցածրաձայն մռնչալով հանդարտ նորից շարժվում է աֆրիկացին, որը դանդաղ կռանում է, որպեսզի մի մեծ քար վերցի: Այդ պահին մի մարդ ձեռքը դնում է քրիստոնյայի ուսին ու ասում.- Մի՛ վախեցիր, ես միշտ քեզ հետ եմ:

Ապա այդ մարդը մոտենում է առյուծին, շոյում նրա թավամազ գլուխն ու շարունակում.

- Այս գազանը քեզ չի վնասի, չէ՞ որ ես եմ քո ապավենն ու փրկիչը:

Այդ ժամանակ խիտ թփուտների միջից դուրս են գալիս ևս հինգ առյուծներ իրենց ձագուկների` կորյունների հետ միասին ու ճանապարհի կենտրոնում կանգնած առյուծին հետևելով անհետանում: Քրիստոնյան այդ տեսարանից ուշքի է գալիս և ճանապարհին ոչ ոքի չտեսնելով և քաջալերվելով՝ կրկին ասում. ՙՔրիստոսն է իմ ապավենը և փրկիչը՚ ու շարունակում իր ուղին:

 

Հովհաննես Մանուկյան

12.04.20
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․