Գրքեր

Տանտերը

Ուշ երեկոյան մի օտարական թակում է այգեգործի տան դուռը, ով այդ օրն իր այգում գանձեր էր գտել: Օտարականն ասում է.

- Եղբա՛յր, հեռավոր երկրից եմ գալիս և գիշերելու վայր եմ փնտրում, գիտեմ նաև, որ այդ երկրից այս գիշեր գողեր են ժամանելու: Ամուր փակիր տանդ պատուհանները և դռները, որպեսզի նրանք չկարողանան թափանցել ներս և չհափշտակեն ունեցվածքդ:

Տանտերն իր խորին շնորհակալությունն է հայտնում, այնուհետև օտարականին, որպես հարազատ մարդու, հրավիրում իր տուն, քանի որ զգուշացրեց վտանգի մասին, ապա ուրախությամբ ամուր փակում է բոլոր դռները, պատուհանները ու իրենց ապահով զգալով գիշերում են: Առավոտյան արթնանում է և տեսնում՝ ո՛չ օտարականն է այդտեղ և ո՛չ էլ գանձերը... Այդպես էլ սատանան, որպեսզի զրկի մեզ առաքինություններից, ծածուկ գործում է, ճշմարտանման, գայթակղիչ մտքերն իբրև մեզ հարազատ ու վստահելի մտքեր ներկայացնում: Եվ մարդը կարծում է, թե դրանք իր մտքերն են, այլ ոչ թե օտար մտքեր են ու գրկաբաց դրանք ընդունելով` ընկնում է մեղքի և փորձության մեջ: Արդ, մշտապես աղոթենք Աստծուն, որպեսզի մեզ իմաստություն, արթնություն և զգոնություն պարգևի, որ կարողանանք տարբերել և բացահայտել մեր մտքերն օտար մտքերից, որպեսզի նախապես արդեն պատրաստ լինենք և փակ պահենք մեր մտքի, սրտի պատուհաններն ու դռները դրանց առջև:

 

Հովհաննես Մանուկյան

02.03.22
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․