23 Նոյեմբեր, Եշ, Հիսնակաց պահքի Դ օր

Գրքեր
14 Նոյեմբեր, Գշ Սուրբ Դեմետրիոս վկայի և Բասիլիսկոս քահանայի հիշատակության օր

Դեմետրիոս ենթահյուպատոս

Ծնվել է Սալոնիկում, ազնվական ընտանիքում: Քրիստոնեական դաստիարակչությամբ սնված մի առաքինի և քաջ երիտասարդ էր: Համարձակ ամենուրեք քարոզում էր Ավետարանը և արդեն շատերին էր դարձի բերել: Նրան Մաքսիմինոս հալածիչ կայսեր առջև ամբաստանեցին: Երբ հավատքը չուրացավ՝ 303 թ.-ին տեգի հարվածով սպանեցին: Հույները և լատինները նրա հետ նաև հիշում են ոմն Նեստոր անունով մարտիրոսի, որը մարտիրոսացել էր: Նա Մաքսիմինոսի սիրելի հսկա մի իմբիշ էր, որ Գողիաթի պես մի հարվածով սպանելու կարողության համար քրիստոնյաների դատավճիռներն էր իրականացնում:

Դեմետրիոսը հույների մոտ մեծ ժողովրդականություն վայելող սուրբ է:

Հայերս նրա հիշատակի տոնը կատարում ենք Ս. Խաչին հաջորդող իններորդ երեքշաթի օրը:

 

Բասիլիսկոս կամ Բասիլիոս քահանա

Մեր տոնացույցում ներգրավվել է Բասիլիսկոս քահանա անվան տակ: Հույները և լատինները երկու-երեք Բասիլիսկոսներ ունեն, սակայն նրանցից և ոչ մեկը քահանա չէ: Մեր Հայսմավուրքներում էլ չկա որևէ Բասիլիսկոս քահանայի հիշատակություն: Հետևաբար, մեզ ոչինչ չի մնում անել, եթե ոչ նրան նույնացնել հույների և լատինների մոտ եղած Բասիլիոս Երեցի հետ, ինչը որ արել է Թորգոմ Պատրիարքը: Ըստ այդմ, Բասիլիոսը Անկյուրայի երեցներից մեկն էր, որը իր և շրջակայքի քրիստոնյաներին սրտապնդում էր Հուլիանոսի հալածանքներին տոկալ և չտկարանաալ հավատքի մեջ: Ձերբակալվեց և կայսեր մոտ տարվեց, որտեղ քաջաբար պաշտպանեց քրիստոնեական հավատքը, որի համար էլ ենթարկվեց բառացիորեն անտանելի չարչարանքների, որոնց ներքո ավանդեց հոգին:

Հայերս նրա հիշատակի տոնը կատարում ենք Ս. Խաչին հաջորդող իններորդ երեքշաբթի օրը:

 

«Համաքրիստոնեական Սուրբեր», Շնորհք արքեպսԳալուստյան, «ԳԱՆՁԱՍԱՐ» մատենաշարԵրևան1997 

Արևելահայերենի փոխադրեց՝ Վաչագան սրկԴոխոլյանը

 

ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․