13 Հուլիս, Բշ, Վարդավառի պահքի Ա օր

Գրքեր

Աղոթքի զորությունը

Մի ձկնորս գալիս և տեսնում է, որ մի մարդ ծովի ափի մոտ, կիզիչ արևի ներքո, նստած է նավակի մեջ և հարցնում է.

- Ինչո՞ւ ես այս շոգ եղանակին նստել այստեղ:

Մարդը պատասխանում է.

- Աստված ինձ ասաց, որ եթե նստեմ նավակը, շուտով կհասնեմ այն կղզին, որտեղ պտուղներ կան, որոնք իմ հիվանդությունը կբուժեն, սակայն մեկ ժամ է արդեն նստած եմ այս նավակում, բայց ոչ Աստծո զորությունն եմ տեսնում, ոչ էլ ուժը:

Ձկնորսն ասում է.

-Նավակը ոտքեր չունի, որ ինքնիրեն ջուրը մտնի: Իսկ կղզի հասնելու համար պետք է թիավարել և ծովի ալիքները հաղթահարելով հասնել: Աստված մարդուն ծուլության չի կոչել, այլ աշխատանքի ու ջանադրության միջոցով իրականացնելու այն, ինչը նպատակադրվել ես:

Երբեմն մարդիկ աղոթում են մեկ կամ երկու կամ երեք անգամ ու ցանականում իրենց աղոթքի միջոցով Աստծո ամենազորությունը տեսնել, երբեմն էլ հրաշքի են սպասում, սակայն անհրաժեշտ է օրվա մեջ շատ անգամ աղոթել միևնույն աղոթքը, ամենաքիչը յոթից տասն անգամ տվյալ խնդրանքի համար` օրեր, ամիսներ, նույնիսկ տարիներ: Այդ ժամանակ է, որ երևում են զորության ու հրաշքի պտուղները, հակառակ դեպքում նմանվում ենք ծովի ափին նավակի մեջ նստած սպասող մարդուն: Հավատքն առանց գործի և գործն առանց հավատքի անպտուղ են: Հավատացե՛ք, աղոթքը հրաշքներ է գործում:

 

Հովհաննես Մանուկյան

17.04.20
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․