13 Օգոստոս, Եշ, Աստվածածնի պահքի Դ օր

Գրքեր

Դեպի Աստված տանող ճանապարհի առաջին աստիճանը

Դեկտեմբերի 22-ին, Զորավոր Ս. Աստվածածին եկեղեցում, հոգևոր հովիվ Տեր Գրիգոր քահանա Գրիգորյանը Ֆրնզյան Հայկանուշին (33 տ.) հանձնեց դրամական օգնություն (100 ԱՄՆ դոլար), որը տրամադրել էր ամերիկաբնակ Կարեն Վարդանյանը: Հայկանուշն ամուսնալուծված է և իր հինգ զավակների հետ վարձակալությամբ բնակվում է Էջմիածին քաղաքի Շահումյան 46/10 հասցեում: Բազմազավակ ընտանիքը երեխաների առողջական և ֆինանսական խնդիրների պատճառով մի շարք դժվարությունների առջև է հայտնվել. ընտանիքի մայրը չի կարողանում տան և կոմունալ վարձերը վճարել, ինչի պատճառով բնակարանի սեփականատերը պահանջում է ազատել բնակարանը:

«Մեծ աղջիկս՝ Եսթերը (13 տ.), ստամոքսի էրոզիա և լեղապարկի բորբոքում ունի, հիվանդությունները սրվել են նրա մոտ և չեմ կարողանում նրան բուժհետազոտության տանել: Փոքր տղաս՝ Հովսեփը (2 տ.), շունտավորման է ենթարկվել, ինն անգամ գլխի և մեկ անգամ ճողվածքի վիրահատություններ է անցել, չի կարողանում նստել, ձախ ձեռքով որևէ բան բռնել: Երկու ամիս առաջ էլ մյուս աղջկաս վրաերթի էին ենթարկել, քիթն էր վնասվել և ուղեղի ցնցում էր ստացել: Ընտանեկան նպաստի և երեխայի հաշմանդամության գումարներն էլ չի բավարարում անգամ, որ մեր նվազագույն կարիքները հոգամ»,- ասաց Հայկանուշը և իր երախտագիտությունը հայտնեց աջակից անձանց:

Դեպի Աստված տանող ուղին աստիճանական ընթացք է պահանջում, այդ մասին է վկայում հետևյալ պատմությունը: Մի օր մի վանականի է մոտենում մեկը, ով դեպի Աստված տանող ուղին էր փնտրում: Վանականը, ուշադիր լսելով նրան, հարցնում է՝ սիրե՞լ ես ինչ-որ մեկին: Հյուրը պատասխանում է, որ ինքը չի հետաքրքրվում աշխարհիկ գործերով, սիրով և նմանատիպ բաներով, այլ ցանկանում է դեպի Աստված գնալ: Վանականը նորից է հարցնում՝ խնդրում եմ նորից մտածիր, քո կյանքում սիրե՞լ ես կնոջ, երեխայի կամ որևէ մեկի: «Ես արդեն ասացի, որ սովորական աշխարհիկ չեմ: Ես մարդ եմ, որ ցանկանում է Աստծուն ճանաչել, իսկ մնացածը ինձ չի հետաքրքրում»,- ասաց որոնողը: Վանականի աչքերը լցվեցին խոր թախիծով, նա պատասխանեց որոնողին.«Այդ դեպքում հնարավոր չէ, սկզբից պետք է ճանաչես, թե ինչպես է պետք իրականում սիրել: Դա էլ կլինի դեպի Աստված տանող ճանապարհի առաջին աստիճանը: Դու հարցնում ես ինձ վերջին աստիճանի մասին՝ առաջին աստիճանին ոտք չդրած»:

 

Կարինե Սուգիկյան

22.12.18
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․