Երեք մաղ | Ereq Magh



Գրքեր

Երեք մաղ

Մի մարդ Սոկրատեսին հարցրեց.

- Գիտե՞ս, թե ընկերդ ինձ ինչ ասաց քո մասին:

- Սպասի՛ր,- ընդհատեց նրան Սոկրատեսը,- նախ երեք մաղով մաղիր այն, ինչ պատրաստվում ես ասել:

- Երեք մաղո՞վ:

- Նախքան որևէ բան ասելը, պետք է երեք անգամ մաղել այն: Նախ ճշմարտության մաղով: Վստա՞հ ես, որ ասածդ ճշմարտություն է:

- Ոչ, ես ուղղակի լսել եմ այդ մասին:

- Ուրեմն չգիտես, ճիշտ է դա, թե ոչ: Այդ դեպքում երկրորդ՝ բարության մաղով անցկացնեք: Որևէ լավ բա՞ն ես ուզում ընկերոջս մասին ասել:

- Ոչ, ընդհակառակը:

- Ուրեմն, պատրաստվում ես ինչ-որ վատ բան ասել նրա մասին, բայց նույնիսկ վստահ չես, որ դա ճշմարտություն է: Երրորդ մաղը փորձենք՝ օգուտինը: Այդքան անհրաժե՞շտ է, որ ես լսեմ այն, ինչ ուզում ես ասել:

- Ոչ, դրանում անհրաժեշտություն չկա:

- Այսպիսով,- եզրակացրեց Սոկրատեսը,- ո՛չ ճշմարտություն, ո՛չ բարություն, ոչ էլ օգուտ կա նրանում, ինչ ուզում ես ասել: Այդ դեպքում ինչո՞ւ ասել:

 

Ռուսերենից թարգմանությունը՝ Էմիլիա Ապիցարյանի

15.06.18
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․