«Մարդն ինչ որ սերմանում է, այն էլ կհնձի» | Mardn Inch Or Sermanum E Ayn El Khndzi



Գրքեր

«Մարդն ինչ որ սերմանում է, այն էլ կհնձի»

Ապրիլի 28-ին, Զորավոր Ս. Աստվածածին եկեղեցում, հոգևոր հովիվ Տեր Գրիգոր քահանա Գրիգորյանը, սիրիահայ համայնքից Սևան Վանեսին (62 տ.) հանձնեց դրամական օգնություն (100 ԱՄՆ դոլար), որ տրամադրել էր ամերիկաբնակ Կարեն Վարդանյանը: Սիրիայում ծագած պատերազմի պատճառով, ի թիվս բազմաթիվ սիրիահայերի, տիկին Սևանն իր տարեց մոր՝ Սաթենիկ Աբրահամյանի (89 տ.) հետ ևս գաղթեց Հայաստան: Երեք տարի է, ինչ նրանք վարձակալությամբ բնակվում են Կոմիտաս 38/1 բն. 5 հասցեում: «Մայրս 1-ին խմբի հաշմանդամ է, չի տեսնում և սրտամկանի ինֆարկտից հետո չի կարողանում քայլել: Մի շարք դժվարություններ ունենք, թեև մեր տան վարձի մեծ մասը և որոշ դեղորայք «Առաքելություն Հայաստան» բարեգործական հասարակական կազմակերպությունն է տրամադրում, ինչի համար շնորհակալ եմ իրենցից, բայց մայրիկիս հասանելիք հաշմանդամության գումարով չեմ կարողանում վճարել տան վարձի մի մասը և անհրաժեշտ մյուս դեղորայքն ու տակդիրները գնել: Շնորհակալ եմ Տեր Գրիգորին և աջակից անձին, որ արձագանքեցին իմ խնդրին և օգնություն ցուցաբերեցին»,- ասաց տիկին Սևանը:

Ողորմած լինելու և այն էլ առատաձեռնորեն ողորմելու մասին մեր Տերը հորդորում է. «Տվե՛ք, և Աստված կտա ձեզ. կտա լավ չափով, բերնեբերան, զեղուն առատությամբ: Ինչ չափով, որ չափեք ուրիշներին, նույն չափով Աստված ձեզ կչափի» (Ղուկ. 6:38): Այն, որ յուրաքանչյուր ոք հատուցվելու է իր արածի համեմատ, այս մասին մանրամասնում է Ս. Բարսեղ Մեծը. «Վիրավորե՞լ ես եղբորդ, նույնին և դու սպասիր: Թալանե՞լ և ծեծե՞լ ես աղքատին, զրպարտե՞լ ես, ստե՞լ, խախտե՞լ երդումը, խլե՞լ ես որբի ունեցածը, վիրավորե՞լ ես այրուն, ներկայի հաճույքը գերադասե՞լ ես խոստացված բարիքից: Սպասիր այդ ամենի հատուցմանը, քանի որ «մարդն ինչ որ սերմանում է, այն էլ կհնձի» (Գաղատ. 6:8): Այնուամենայնիվ, եթե բարին էլ ես գործել, ապա դրա դիմաց էլ սպասիր հատուցում և այն էլ՝ բազմաթիվ անգամներ: Քո ողջ կյանքում հիշիր այս ամենը և կկարողանաս խուսափել բազմաթիվ մեղքերից»:

 

Կարինե Սուգիկյան

28.04.18
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․