19 Մարտ, Գշ, Մեծ պահքի ԼԷ օր

Գրքեր

Պահանջ

Մի մեծահոգի թագավոր իր ծառային ուղարկում է հեռավոր արևելքի հայտնի դերձակի մոտ` մետաքսյա թիկնոց բերելու համար և ասում ծառային, որ նրան լավ կվարձատրի այդ ծառայության համար:

Ծառան մեկնում է, վերցնում թիկնոցն ու ետ դառնում: Թիկնոցն այնքան գեղեցիկ ու շքեղ է լինում, որ գցում է իր ուսերին ու պարծենում: Մի հյուրատան մոտ մի մեծահարուստ մարդ ասում է.

- Վաճառիր այդ թիկնոցը, քեզ շատ մեծ գումար կտամ, որով կյանքը կվայելես: Իսկ այսպես ծառա ես ու ծառա էլ կմնաս, մանավանդ որ թիկնոցը թագավորին ես տալու ու դրա դիմաց չնչին վարձ ես ստանալու:

Ծառան վաճառում է թիկնոցը, գումարը վերցնում, վատնում քաղաքում և զվարճանքի վայրերում:

Երբ ներկայանում է թագավորին, ասում է, թե ավազակներն իր վրա հարձակվեցին, թալանեցին ու թիկնոցն էլ տարան: Իսկ այժմ վարձ ու վարձատրություն է պահանջում իր մատուցած ծառայության համար:

Թագավորը պատասխանում է.

- Այդ թիկնոցը խորհրդանշական իմաստ ուներ: Ով իր ուսերին կրեր, նա լինելու էր իմ թագավորության ժառանգորդը: Ես որոշել էի այն քեզ նվիրել: Ահա այն վարձատրությունը, որով պիտի պարգևատրեի քեզ: Առանց այդ թիկոնցի չեմ կարող իրագործել իմ խոստումը: Ծառան ապշահար շրջվում է ու նայում դեպի հեռվում նշմարվող հյուրատունը:

Սուրբ Գիրքն ասում է, որ կոչված եք սուրբ լինելու և սրբությամբ ապրելու: Մենք չենք ապրում Աստծո նախանշած կյանքով, սակայն Աստծուց պահանջում ենք:

 

Հովհաննես Մանուկյան

20.04.20
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․