Ստուգիր քեզ

Վանքերից մեկում մի վանական տեսավ, թե եղբայրներից մեկն ինչպես է երեկոյան խավարում անցնում ցանկապատի վրայով ու դեպի գյուղ գնում: «Անառակի մեկն է, գնաց անառակություն անելու»,- մտածեց նա: Նույն պատկերը մեկ ուրիշը տեսավ: «Գող է, գնաց գյուղ գողություն անելու»,- մտածեց այս մյուսը: Երրորդը մտածեց. «Աստծո ծառաներից մեկն է, գնաց գաղտնի ողորմություն բաժանելու»:

Հարց է ծագում, թե միևնույն իրադրության նկատմամբ ինչո՞ւ է երեք տարբեր ռեակցիա առաջանում: Որովհետև յուրաքանչյուրն իր արշինով է չափում: Անառակի համար ողջ աշխարհն անառակությամբ է զբաղված: Գողի համար ամբողջ աշխարհը գողություն է անում: Աստծո ծառայի համար ողջ աշխարհն Արարչին է գոհացնում: Մենք էլ մեզ ստուգենք ըստ այս կաղապարի…

Ռուսերենից թարգմանությունը՝ Էմիլիա Ապիցարյանի