Հարց 52 - Ինչո՞ւ են Աստծո համար ասում սկիզբ և պատճառ:



Գրքեր
Հարց 52 - Ինչո՞ւ են Աստծո համար ասում սկիզբ և պատճառ:

Պատասխան – Նախ պետք է իմանալ, որ պատճառը երկու տեսակի է՝ ներքին և արտաքին: Ներքին պատճառը բնութենական է ու բնական: Օրինակ՝ իր տեսակով ծնունդ տվողին, այսինքն՝ ծնողին ասվում է ծնվածի ներքին պատճառ: Արտաքին պատճառն այն է, որ ինքն իր պատճառյալից առանձնացված է. Ինչպես արհեստավորն իր արհեստի հնարով ստեղծած գործից է զատված, ինչպես ոսկերիչը, մատանու մեջ չլինելով և իր անձից դուրս չգալով, համարվում է մատանու ներգործական, բայց ոչ արտաքին պատճառ: Սա այսպես իմանալով հանդերձ՝ որչափ լսես, թե Հայր Աստված Որդու և Սուրբ Հոգու պատճառն է՝ ներքին բնութենական պատճառ հասկացիր, այլ՝ ոչ թե արտաքին:

Դարձյալ, երբ պատճառ ասվածը վերաբերում է առկա ստեղծվածներին, պետք է պատճառին ինչ-որ առաջնահերթություն տրվի՝ պատճառյալի նկատմամբ: Այսինքն՝ իբր պատճառը, թե՛ ըստ ժամանակի, թե՛ ըստ պատվի, առավելություն ունի իր պատճառյալից: Ինչպես, օրինակ, ծաղիկը, որ պտղի պատճառն է, ժամանակով պտղից առաջ է: Բայց Սուրբ Երրորդության մեջ, երբ Հայր Աստված Որդու ծննդյան և Սուրբ Հոգու բխման պատճառ է համարվում, ստեղծող պատճառների պես չպետք է հասկանալ, այլ Հայր պատճառը Որդու և Սուրբ Հոգու հետ միանգամայն անսկիզբ ու հավիտենական է, քանզի որքան Հայրն է Հայր, նրա հետ և Որդին Որդի է և Սուրբ Հոգին՝ Հոգի: Գրիգոր Աստվածաբանն ասում է. «Եթե Որդուն սկիզբ ասես, անսկիզբ պիտի կոչեմ Հորը»: Չպետք է ընկալել, թե Հայրը, Որդու սկիզբը լինելով, ժամանակավոր կամ ստեղծող սկիզբն է, քանզի ըստ ժամանակի Որդին Հորից անսկզբնաբար է սկսվել: Ինչպես՝ եթե արեգակը հավիտենական լիներ, նրա ճառագայթները նույնպես հավիտենական կլինեին: Որովհետև Հայր Աստված հավիտենական է, նույնպես հավիտենական են Որդին ու Սուրբ Հոգին. ուրեմն՝ հավիտենական են Հայրը, Որդին և Սուրբ Հոգին:

ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․