Գրքեր

Մի շտապեք դատել

Փոքրիկ աղջիկը երկու խնձոր ուներ: Մայրիկը սենյակ մտավ և մեղմ ժպիտով հարցրեց.

- Փոքրի՛կս, խնձորներիցդ մեկը մայրիկին չե՞ս տա:

Աղջիկը մի քանի վայրկյան նայեց մորը, հետո հանկարծ կծեց խնձորներից մեկը, այնուհետև արագորեն նաև մյուսը:

Կինն զգաց, թե ժպիտը ինչպես է սառում իր դեմքին և փորձեց ցույց չտալ հիասթափությունը: Նա շատ վշտացավ, որ իր սիրելի դստրիկը չցանկացավ կիսվել իր հետ:

Եվ հանկարծ աղջիկը նրան մեկնեց կծած խնձորներից մեկը՝ ասելով. «Մայրի՛կ, այս մեկը վերցրու, այն ավելի քաղցր է»:

 

Անկախ այն բանից, թե որքան հասուն, փորձառու և գիտակ մարդ եք, երբեք մի դատեք ուրիշներին: Նրանց բացատրելու հնարավորություն տվեք: Այն, ինչ տեսնում եք, կարող է շատ խաբուսիկ լինել: Հաճախ միայն ընդհանուր պատկերը տեսնելով, մենք չենք հասկանում դիմացինի գործողությունների իրական դրդապատճառները:

 

Ռուսերենից թարգմանությունը՝ Էմիլիա Ապիցարյանի

16.06.23
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․