Գրքեր

Ընտրությունը

Մի քահանա նշանակվեց մի փոքրիկ քաղաքի եկեղեցիներից մեկում ծառայելու: Մի քանի օր անց քաղաքային ավտոբուսով իր գործերով քաղաքի կենտրոն գնաց: Նախապես վճարեց ուղեվարձը և արդեն նստել էր, երբ տեսավ, որ վարորդն իրեն քսանհինգ ռուբլի ավելի է վերադարձրել: Նրա ներսում պայքար սկսվեց: Մտքերից մեկն ասում էր. «Վերադարձրու այդ գումարը: Քեզ պահելը վատ արարք է»: Մյուս միտքը հակաճառում էր. «Դե լա՜վ, ընդամենը քսանհինգ ռուբլի է: Մի՞թե դա անհանգստանալու առիթ է: Տրանսպորտային ընկերությունը միջոցների հսկայական շրջանառություն ունի և դա ուղղակի մանրուք է նրանց համար: Հաշվիր, որ այդ գումարն օրհնություն է Աստծուց և հանգիստ քո գործերով գնա»: Երբ ավտոբուսից իջնելու ժամանակն եկավ, քահանան գումարը մեկնեց վարորդին և ասաց. «Դուք ինձ ավելորդ գումար եք վերադարձրել»: Վարորդը ժպիտով պատասխանեց. «Դուք այսինչ եկեղեցու նոր քահանան եք, այնպես չէ՞: Ես մտածում էի եկեղեցի հաճախել սկսելու մասին և այդ պատճառով էլ որոշեցի տեսնել, թե դուք ինչպես կվարվեք, եթե ես ձեզ մանրը ավելի վերադարձնեմ»: Երբ քահանան իջավ ավտոբուսից, բառի բուն իմաստով բռնվեց առաջին իսկ սյունից, որ չընկնի և շշնջաց. «Տեր Աստված, քիչ էր մնում Որդուդ քսանհինգ կոպեկանոցով վաճառեի»:

 

Ռուսերենից թարգմանությունը՝ Էմիլիա Ապիցարյանի

07.03.18
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․