26 Փետրվար, Մեծ պահքի ԺԵ օր

Գրքեր

Մտքերի քարավանը

Վաճառականը ուղտերի քարավանով անցնում է անապատի միջոցով: Դեմ առ դեմ հանդիպում է մի հեծյալի, որն ասում է.

- Տարօրինակ վաճառական ես. արդեն երկար ժամանակ հեռվից հետևում եմ, թե ինչպես ես մեկ նստում առաջին ուղտի վրա, մեկ երկրորդին, այնուհետև քարավանի վերջից ընթացող ուղտի վրա և այդպես շարունակ քարավանի ուղտերն ես փոխում:

Վաճառականը պատասխանում է.

- Այդպես ուզում եմ հանգիստ առնել, բայց չեմ խաղաղվում, որովհետև ինչքան գնում եմ, այնքան անորոշություն եմ տեսնում...

Հեծյալը խորհուրդ է տալիս.

- Ողտերի վրա նստելով ոչինչ չես փոխի, այլ քարավանիդ ընթացքն այլ ուղղությամբ փոխիր, որպեսզի ճիշտ ուղին կարողանաս գտնել:

Վաճառականը զարմանում է և հարցնում.

- Իսկ դու ո՞վ ես, որ այդպես վստահ-վստահ խոսում ես:

Հեծյալը պատասխանում է.

- Աստծո կողմից ուղարկված կամքն եմ...

 

Հոգևոր աճ ապրելու և անորոշությունից դուրս գալու համար ոչ թե պետք է մտքերի շարանի քարավանին հետևել` մտածմունքների մեջ ընկնելով, այլ կամքի ուղղվածությունը փոխել առ Աստված` հետևելով աստվածաշնչյան պատգամներին և սուրբ հայրերի խորհուրդներին:

 

Հովհաննես Մանուկյան

13.08.22
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․