28 Նոյեմբեր, Եշ
Հին ժամանակներում մի քրիստոնյայի կեղծ մեղադրանքներով ձերբակալեցին ու մահապատժի մասին վճիռ կայացվեց: Մինչ մահապատժի օրը վրա կհասներ բանտարկյալի ընկերները նրան մի սրբապատկեր փոխանցեցին, որի վրա Պետրոս առաքյալն էր պատկերված՝ բանալիները ձեռքին: Մարդը շատ ուրախացավ այս նվերից՝ բանտից ազատվելու նշան տեսնելով դրա մեջ, քանի որ հենց այդ սրբապատկերն էին նվիրել, այլ ոչ թե մեկ ուրիշը: Սկսեց օր ու գիշեր աղոթել սրբապատկերի առջև ու մի օր էլ մի պատկերի բանալիների վրա մի փոքրիկ ճեղք նկատեց: Բաց արեց այն ու գաղտնարանում փախուստի պլան գտավ:
Այդպիսով բարեհաջող կերպով փրկվեց մահվանից՝ իր հետ տանելով այն սրբապատկերը, որի առջև աղոթեց մինչ կյանքի վերջը:
Նա, ով սովորել է Աստծո օգնությունը տեսնել առօրյա գործերում, կճանաչի նաև ողջ կյանքի ընթացքում: Եթե Աստծո օգնությունը մանրուքներում տեսնես, մեծ գործերում էլ կգտնես այն:
Ռուսերենից թարգմանությունը՝ Էմիլիա Ապիցարյանի
Զորավոր Սուրբ Աստվածածին եկեղեցի