Հայր Եսայիասն ասաց. «Մեծ և պատվական գործ է հպարտության դեմ հաղթանակ տանելը և դեպի աստվածգիտություն դառնալը, որովհետև ովքեր ընկնում են ամբարտավանության չար ախտի ձեռքը, օտարանում են հեզությունից, նրանց սիրտը խստանում է սրբերի հանդեպ և ընկնում են բոլոր չարիքների մոր գիրկը, որ ամբարտավանությունն է: Սակայն դո՛ւ, ծառա՛ Քրիստոսի, ծածո՛ւկ պահիր քո սրտում քո գործերն ու ջանքերը, որպեսզի մարդահաճությամբ չկորցնես քո վարձը, քանզի ով մարդկանց հաճոյանալու համար է ինչոր բան անում, իր վարձը կկորցնի` ըստ Տիրոջ խոսքի (հմմտ. Մատթ. Զ 1): Ով սիրի մարդկանցից եկած փառքը, նա նախանձի մեջ կընկնի, իսկ նախանձոտը չի կարող խոնարհ լինել: Նա, ով չի խոնարհվում, թշնամու բաժին կդառնա, որոնք էլ նրան կգցեն չարիքների խորքը և կսպանեն, սակայն դու փախի՛ր սնափառությունից և արժանի կլինես հասնելու Աստծո փառքին հավիտենական կյանքում»:
«Սուրբ հայրերի վարքն ու կենցաղավարությունը» գրքից, Հատոր Ա, Էջմիածին 2016
Զորավոր Սուրբ Աստվածածին եկեղեցի