Տեր Տիրան ավագ քահանա Առուշանյան

Ծնվել է 1964թ.-ի հունիսի 26-ին Էջմիածին քաղաքում:

1971-1981թթ. սովորել է Էջմիածնի Խ. Աբովյանի անվան միջնակարգ դպրոցում:

1981-1983թթ. սովորել է Մայր Աթոռ Սուրբ Էջմիածնի Գևորգյան Հոգևոր ճեմարանում:

1983-1985թթ. ծառայել է խորհրդային բանակում:

1985-1988թթ. շարունակել և ավարտել է Գևորգյան Հոգևոր ճեմարանը:

1988թ. մայիսի 1-ին ձեռամբ Տեր Հուսիկ արք. Սանթուրյանի ձեռնադրվել է սարկավագ:

 1989թ. պաշտպանել է ավարտաճառ «Գրիգոր Տաթևացու «Առակաց մեկնություն» թեմայով: 1990թ. փետրվարի 18-ին ձեռամբ Տեր Գարեգին եպ. Ներսիսյանի Ս. Սարգիս եկեղեցում ձեռնադրվել է ամուսնացյալ քահանա:

1990-1991թթ. ծառայել է Գավառի Սուրբ Աստվածածին եկեղեցում:

1991-2000թթ.ծառայել է Երևանի Զորավոր Սուրբ Աստվածածին եկեղեցում:

1997թ. Գարեգին Ա Ամենայն Հայոց կաթողիկոսի օրհնությամբ ստացել է լանջախաչ կրելու իրավունք:

2000 թ-ից առ այսօր ծառայում է Մալաթիայի Սուրբ Մարիամ Աստվածածին եկեղեցում՝ որպես հոգևոր հովիվ:  

2007թ. Գարեգին Բ Ամենայն Հայոց կաթողիկոսի օրհնությամբ ստացել է ծաղկյա փիլոն կրելու իրավունք:

2016թ. փետրվարի 2-ին Գարեգին Բ Ամենայն Հայոց կաթողիկոսի օրհնությամբ ստացել է ավագ քահանայության պատիվ: 

Ամուսնացած է, ունի 2 արու զավակ: