25 Նոյեմբեր, Բշ
Ոմն ծեր իր աշակերտին ուղարկեց Եգիպտոս՝ ուղտ բերելու, որպեսզի իրենց կողովները տանեն Եգիպտոս: Եվ երբ եղբայրը բերեց ուղտը Եգիպտոսից, նրան տեսավ մեկ ուրիշ եղբայր և ասաց. «Եթե ես տեղյակ լինեի քո գնալու մասին, ես էլ կգայի քեզ հետ, որովհետև մեզ էլ էր ուղտ պետք»: Եղբայրը գնաց և պատմեց ծերին: Ծերն ասաց. «Տանելով ուղտը՝ կտաս նրան և կասես. «Մեր գործը պատրաստ չէ, տա՛ր քո գործածը վաճառի՛ր և երբ գաս, ուղտը բե՛ր քեզ հետ, որպեսզի մենք էլ տանենք մեր ձեռագործը»»: Տարավ եղբայրը և ուղտը տվեց նրան, և նա, բարձելով իր կողովները, տարավ Եգիպտոս և վաճառելուց հետո բերեց իր հետ ուղտը, տվեց ծերին և ասաց. «Թողությո՛ւն տուր ինձ, որովհետև քո մեծ սերը վերցրեց ինձնից իմ պտուղը, քանզի վերցրեց իմ անհամ սովորությունը, և բարի համը հաստատեց»:
«Սուրբ հայրերի վարքն ու կենցաղավարությունը» գրքից, Հատոր Ա, Էջմիածին 2016
Զորավոր Սուրբ Աստվածածին եկեղեցի