25 Նոյեմբեր, Բշ
Փյունիկիայի Լիբանիսի քաղաքում ոմն մունետիկ` Գայիոս անունով, թատրոններում և ժողովատեղիներում հրապարակավ նախատում էր սուրբ և մշտակույս Տիրամորը: Երևաց նրան Աստվածածինն ու ասաց. «Ի՞նչ եմ արել քեզ, որ այդպես հավաքների մեջ ինձ նախատում ես»: Սակայն Գայիոսը չուզեց ուղղվել, այլ առավել սաստիկ էր հայհոյում: Երեք անգամ նույն ձևով Աստվածամայրը երևաց նրան և զգաստության կոչ արեց: Եվ քանի որ չուղղվեց, այլ ավելի սաստիկ շարունակեց հայհոյել, մի օր՝ կեսօրին, երևալով նրան` ոչինչ չասաց, այլ իր մի մատով խաչակնքեց նրա երկու ձեռքերն ու ոտքերը, և սա կոճղի պես փայտացած՝ վայր ընկավ: Դրանից հետո թշվառականը խոստովանեց և բոլորին պատմեց, թե ինչպես Տիրամորը պատվելու փոխարեն ընտրեց հայհոյելը, իսկ այժմ մարդասիրություն գտավ:
«Սուրբ հայրերի վարքն ու կենցաղավարությունը» գրքից, Հատոր Ա, Էջմիածին 2016
Զորավոր Սուրբ Աստվածածին եկեղեցի