Գերաշնո՛րհ Սրբազան Հայր,
Արարատյան Հայրապետական թեմի հոգևորականաց դասի և հավատացելոց անունից հղում ենք մեր ջերմագին շնորհավորանքները և բարեմաղթանքները Ձերդ Սրբազնության ծննդյան տարեդարձի առթիվ:
Ի սրտե մաղթում ենք Ձեզ քաջառողջ, երկար տարիներ, կենաց արևշատություն և արդյունաշատ առաջնորդություն։ Աղոթք ենք առաքում առ Տեր և հայցում Ամենակալի զորակցությունը, առատ օրհնություններն ու շնորհները, նաև մշտատև առաջնորդությունը Ձերդ Սրբազնության տիրահաճ առաքելության անխախտ ընթացքի համար: Թող Տիրոջ Սուրբ Աջը մշտապես զորավիգ և օգնական լինի Ձերդ Սրբազնությանը՝ իրագործելու Ձեր եկեղեցաշեն ու ազգօգուտ բազում ծրագրերը՝ ի փառս Աստծո, ի զորացումն Մայր Եկեղեցու և ի շինություն Արարատյան Հայրապետական թեմի հոգևոր կյանքի:
Որդիական խոնարհությամբ մատչիմք ի համբույր Ձերդ Սրբազնության Սուրբ Աջույն:
Զորավոր Սուրբ Աստվածածին եկեղեցի