Գործածիր հենց հիմա

- Հա՛յր Սուրբ,- դիմեց նորընծա ուսանողը վանահորը,- սիրտս լի է աշխարհի նկատմամբ ունեցած սիրով ու զերծ՝ սատանայի գայթակղություններից: Հաջորդ քայլը ո՞րն է լինելու:

Սուրբ Հայրը նրան խնդրեց իր հետ մի հիվանդի այցելել, ով խոստովանության կարիք ուներ: Ընտանիքին մխիթարելուց հետո վանականն ուշադրություն դարձրեց սենյակի անկյունում գտնվող սնդուկին:

- Ի՞նչ կա այդ սնդուկում,- հարցրեց նա:

- Այն հագուստը, որ քեռիս երբևէ չի կրել՝ պահելով դրանք հատուկ առիթի համար և արդյունքում դրանք փտում են սնդուկի մեջ,- պատասխանեց հիվանդի զարմուհին:

- Հիշի՛ր սնդուկի մասին,- ասաց վանահայրը ուսանողին, երբ դուրս եկան այնտեղից,- եթե սրտումդ գանձեր կան, ապա հենց հիմա օգտագործիր դրանք, այլապես՝ կփտեն այնտեղ:

Ռուսերենից թարգմանությունը՝ Էմիլիա Ապիցարյանի