Մի եղբայր հարցրեց հայրերից մեկին և ասաց. «Ինչպե՞ս լինենք հիմար հանուն Աստծո»: Ծերը նրան ասաց. «Մի երիտասարդ եկավ եղբայրների միաբանություն և հանձնվեց մի բարի ծերի, որպեսզի այս ծերը նրան ուսուցանի Աստծո երկյուղը: Ծերը նրան ասաց. «Ե թե մեկը քեզ անարգի, որդյա՛կ, օրհնի՛ր նրան, սեղան նստելիս վա՛տը կեր և լավը թո՛ղ, եթե քո առջև հանդերձներ լինեն, թո՛ղ լավագույնը և վատթա՛րն ընտրիր»: Երիտասարդն ասաց. «Մի՞թե ես հիմար եմ, հա՛յր, որ դու ինձ նման բաներ ես ասում»: Ծերը նրան ասաց. «Նրա համար եմ քեզ ասում` նման բաներն անես, որդյա՛կ, որ հիմար լինես հանուն Տիրոջ, իսկ Տերը կիմաստնացնի քեզ»: Ահա և հայտնեց ծերը, թե ինչպես լինել հիմար հանուն Աստծո»:
«Սուրբ հայրերի վարքն ու կենցաղավարությունը» գրքից, Հատոր Ա, Էջմիածին 2016
Զորավոր Սուրբ Աստվածածին եկեղեցի