Պատասխան - «Ըստ Աստծո պատկերի» արտահայտությունն այսպես է մեկնում Սուրբ Ոսկեբերանը. ինչպես երկնքում Աստծուց բարձրը չկա, նույնպես և երկրի վրա մարդուց գերագույն կենդանի էակ չկա: Աստվածաբաններն ասում են, որ մարդն Աստծո պատկերով ստեղծված է համարվում, որովհետև ներքին և արտաքին նմանություն ունի Աստծո հետ: Ներքին նմանությունը հիշողությունն է, իմացականությունը և կամքը: Հրեշտակները ևս ունեն այս նմանությունը: Արտաքին նմանություն նույնպես ունի մարդը, որ չունեն հրեշտակները, քանզի ինչպես Միածին Որդին է Հայր Աստծուց՝ նույն բնությամբ, այնպես էլ մարդն է մարդուց՝ նույն բնությամբ: Եվ ինչպես Աստված է իշխում Իր հովանու ներքո գտնվող բոլոր արարածներին, նույնպես և մարդն է համարվում իրենից ներքև գտնվողների իշխողը՝ համաձայն Սաղմոսներում ասվածի. «Ամեն ինչ դրիր նրա ոտքերի ներքո»:
Զորավոր Սուրբ Աստվածածին եկեղեցի