Գյուղացու ճագարը վանդակից փախավ: Ցատկոտում էր մի կողմից մյուս կողմն ու գյուղացին չէր կարողանում բռնել դրան: Աղմուկը լսելով՝ հարևանը եկավ: Գյուղացու հետ միասին սկսեցին ճագարին բռնել: Կենդանին ցատկոտելով թփերի մեջ մտավ, հարևանն էլ՝ ետից: Պայքարի աղմուկ լսվեց, ճյուղերի կոտրվելու ձայն, հետո ամեն ինչ լռեց: Ճագարի տերը, ոչինչ չտեսնելով, բայց ենթադրելով, որ ճագարը բռնված է, հարցրեց.
- Դե ի՞նչ: Հե՞շտ բռնվեց:
- Այո, հեշտ բռնվեց, բայց ահա պահելն է դժվար,- թփերի միջից դուրս գալով պատասխանեց ճանկռոտված հարևանը:
«Որովհետև՝ ով ունի, նրան պիտի տրվի և պիտի ավելացվի, իսկ ով չունի, նրանից պիտի վերցվի ունեցածն էլ» (Մտթ. 13:12)։
Ռուսերենից թարգմանությունը՝ Էմիլիա Ապիցարյանի
Զորավոր Սուրբ Աստվածածին եկեղեցի