Հազարի տերևները

Մի երիտասարդ վանական հազարի տերևներն էր լվանում: Նրան մոտեցավ ավելի փորձառու եղբայրներից մեկն ու կամենալով փորձել նրան՝ ասաց.

- Կարո՞ղ ես պատմել, թե ինչ էր խոսվում առավոտյան քարոզի ժամանակ:

- Չեմ հիշում,- խոստովանեց երիտասարդ վանականը:

- Էլ ինչո՞ւ էիր քարոզը լսում, եթե միևնույն է, չպետք է հիշեիր:

- Նայիր, եղբա՛յր, ջուրը լվանում է այս հազարի թերթիկները, բայց չի մնում դրանց վրա,- պատասխանեց վանականը,- սակայն հազարն այնուամենայնիվ մաքրվում է:

Ռուսերենից թարգմանությունը՝ Էմիլիա Ապիցարյանի