25 Նոյեմբեր, Բշ
Ոմն եղբայր հարցրեց հայր Հովսեփին և ասաց. «Եթե հալածանքներ և տանջանքներ սկսվեն, հա՛յր, ո՞րն է ավելի լավ՝ փախչել անապա՞տ, թե՞ քաղաքներ ու գյուղեր»: Ծերը նրան ասաց. «Որտեղ լսես՝ ուղղափառներ կան, այնտեղ էլ գնա՛: Բնավ չունենաս երիտասարդական սեր քո սրտում, նրանց երբեք մոտ չնստես, այլ ատի՛ր և փախի՛ր այդ սիրուց, ինչպես չար գազանից: Եթե կարողանաս հանդարտվել քո սենյակում, դա էլ բարի է: Քո բանջարն ի՛նքդ մշակիր, որպեսզի ստիպված չլինես ուրիշի մոտ գնալ և նրանից խնդրել»: Եղբայրը նրան ասաց. «Ուզում եմ նստել եղբայրների մեջ և առանձնանալ իմ խցում. և տա՞մ նրանց իմ ձեռագործը և ստանամ նրանցից ինձ անհրաժեշտ բաները»: Ծերը նրան ասաց. «Մեր հայրերը հավանություն չտվին այդ գործին և չթույլատրեցին, որովհետև եթե այդ անես, ոչ մեկին չես տա քո հացը, քանզի թույլ չի տա քեզ սատանան»:
«Սուրբ հայրերի վարքն ու կենցաղավարությունը» գրքից, Հատոր Ա, Էջմիածին 2016
Զորավոր Սուրբ Աստվածածին եկեղեցի