26 Փետրվար, Մեծ պահքի ԺԵ օր

Գրքեր

Խաչվառ

Խաչվառը խաչագլուխ ձողի վրա (կլոր երկար փայտ, մոտ 2 մետր երկարությամբ) ամրացված դրոշակ է: Այն սովորաբար երկու կողմից կրում է խաչելության, Աստվածամայրը Մանկան հետ, Քրիստոսի, սրբերի և որևէ տերունական ասեղնագործ պատկերները, երբեմն էլ տվյալ եկեղեցու սրբերի պատկերը: Խաչվառը զինվորյալ եկեղեցու դրոշակն է: Որպես դրոշակ խաչվառը տարվում է եկեղեցական մեծ թափորների, հանդեսների առջևից: Գործածվում է Սբ. Պատարագի սկզբում խնկարկության, Անդաստանի, Նախատոնակի և հուղարկավորության ժամանակ:

Խաչվառի գործածությունը եկեղեցում վերցված է հետևյալ դեպքից.

Մեծն Կոստանդիանոս կայսրը փոքրաթիվ զորքով գնում էր թշնամու դեմ պատերազմելու: Հանկարծ կեսօրին երկնքում տեսնում է Խաչի նշանը լույսի մեջ ողողված և լսում հետևյալ պատգամը. «Այս նշանով պիտի հաղթես»: Անմիջապես կայսրը հրամայում է դրոշների վրա նկարել Փրկչի Խաչի նշանը: Թշնամին, հակառակ իր բազմության, պարտության է մատնվում: Այդպիսով վերացավ կռապաշտությունը և ամենուր փայլեց Քրիստոսի Սուրբ Խաչը:

Քրիստոնյա եկեղեցիները, այդ թվում և մեր եկեղեցին, այս դեպքից հետո զանազան հանդեսների ժամանակ սկսեց գործածել խաչվառը՝ որպես դրոշակ քրիստոնեական հավատքի:

Խաչվառ են կոչվում նաև այն մեծ խաչերը, որոնք ամրացված են փայտից երկար ձողերի վրա, սրանք նույնպես օգտագործվում են թափորների ժամանակ:

28.11.14
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․