Եթե վերլուծենք ճրագալույցի արարողակարգը, ապա կտեսնենք, որ «Հայր գթած» աղոթքից հետո (որը երեկոյան ժամերգության աղոթքներից մեկն է) սկսվում է ընթերցվածքները, այնուհետև Ս. Պատարագ և Ս. Պատարագի ավարտին նախատոնակ և ապա քարոզ և արձակման աղոթք: Այսու տեսնում ենք, որ Ս. Պատարագը տեղ է գտնում երեկոյան ժամերգությանը, իսկ ժամերգությունը ավարտվում է արձակման քարոզով և աղոթքով: Քանի որ Ս. Պատարագը ոչ թե ժամերգությունից հետո է, այլ ժամերգության մեջ և օրն էլ փոխվում է ժամերգությունից հետո, ուրեմն օրը փոխվում է Ս. Պատարագին հաջորդող նախատոնակից և արձակման քարոզ և աղոթքից հետո: Ուրեմն ոչ թե նույն օրն է կատարվում պատարագ նույն սեղավի վրա, այլ օրը փոխվում է Ս. Պատարագին հաջորդող արարողակարգից հետո և հաջորդ պատարագը կատարվում է հաջորդ օրը:
Զորավոր Սուրբ Աստվածածին եկեղեցի