Պատասխան – Քանի որ ավետարանիչը թագավոր անվամբ չի հիշատակում, ուստի այս պատճառով ոմանք ասացին, թե թագավոր չէին: Սակայն նրանց թագավոր լինելը հաստատվում է սուրբ մարգարեների վկայությամբ. «Թագավորները գալու են դեպի քո լույսը, հեթանոսները՝ դեպի քո լույսի փայլը» (Եսայի 60:3): Իսկ Դավիթն ասում է. «Հնդիկները ծնկի թող գան նրա առջև, և նրա թշնամիները հող ուտեն: Թարսիսի և կղզիների թագավորները նվերներ թող մատուցեն նրան, Արաբիայի և Սաբայի արքաներն ընծաներ թող բերեն նրան» (Սաղմ. 71:9-10): Սուրբ Գիրքը, Թարսիսի թագավորներ ասելով, նկատի ունի ծովեզերյա նահանգների թագավորներին: Այստեղից երևում է, որ այն մոգերը թագավորներ էին:
Զորավոր Սուրբ Աստվածածին եկեղեցի