Պատասխան – Ասում են, թե քաղաքացիների սովորությունն էր, որ հաղթությամբ վերադարձող թագավորը, երբ կրկին քաղաք էր մտնում, ճանապարհին ավազ էին փռում, իսկ ավազի վրա ապրչումե կերպասներ ու այլ գեղեցկանկար օթոցներ էին սփռում, գցում էին կանաչ ծառերի բողբոջներ: Բայց Քրիստոսի քաղաքացիները, իրենց Թագավորի նման աղքատ լինելով, հանդերձները փռեցին ճանապարհի վրա՝ ի նշան իրենց թագավորի պատվի և ի նշան իրենց սրտերի ջերմեռանդության: