Պատասխան - Այո՛, չեն կարող, քանզի երբ Աստված երկնային լուսատուներն ստեղծեց, մանավանդ արեգակն ու լուսինը, ասաց. «Նշան լինեն՝ զանազանելու համար տաքությունը ցրտից, անձրևը պարզ եղանակից և ժամանակներից, այլ ոչ թե մարդուն փոփոխություն ցույց տալու կամ անձնիշխանությանը տիրելու»: Այդ պատճառով ասաց մարգարեի բերանով. «Երկնի նշաններից մի՛ զարհուրեք», որովհետև հեթանոսները կարծում էին, թե աստղերը կամ բոլոր լուսատուները կարող են իշխել մարդկանց բնավորության վրա: Թե՛ պարգևը, թե՛ պատիժը դրանցից են առաջանում: Այդ պատճառով էին իբր Աստծուն պաշտում: Եթե լուսատուները կարող են իշխել մարդու բնությանը, ապա երբ Հակոբն ու Եսավը միասին ծնվեցին, ինչո՞ւ մեկը չար, իսկ մյուսը բարի եղավ, մեկն՝ անմազ և տգեղ, մյուսը՝ մազոտ ու կարմրագույն: Հետևաբար, աստղերը մարդու կամքի և անձնիշխանության վրա չեն կարող իշխել:
Զորավոր Սուրբ Աստվածածին եկեղեցի