Պատասխան – Նախնիները երեք պատճառ են մատնանշում: Նախ՝ իրենց բնական շահավետությունը, այսինքն՝ անպիղծ կենդանիների օգուտը, իսկ պիղծերի վնասը մարդկային բնույթին: Երկրորդ, որ նաև բարոյական արժեք ունի՝ որպեսզի Իսրայելի ժողովուրդը ետ կանգնի պիղծ կենդանիների բնությունից: Օրինակ՝ խոզի զազրասիրությունից, շան ու նապաստակի անառակությունից, ուղտի ոխակալությունից և այլն: Երրորդ, որ նաև խորհրդաբար է՝ որպեսզի Աստված զանազանի իր սուրբ ժողովրդին հեթանոսներից, ովքեր անխտիր բոլոր կենդանիներն էլ ուտում էին: Այս միտքը համընկնում է Ղևտացիների գրքում գրվածին: