Պատասխան – Կանխատեսված արդյունքներից, այսինքն՝ իր բարի գործերը չկատարելուց առաջ, Աստված, ի սկզբանե նախատես լինելով, սահմանեց, որ փառքի արժանի լինի: Ահա՛ այս խոսքիս վկայությունն է Քրիստոսի ասածը և կամ ասելիքն արդարների դասին՝ դատաստանի օրը. «Եկե՛ք Իմ Հոր օրհնյալներ, ժառանգեցե՛ք ձեզ համար աշխարհի սկզբից պատրաստված արքայությունը»: «Աշխարհի սկզբից» ասվածը հասկացիր որպես ի հավիտենից, քանզի ժամանակավոր ծանոթություն չկա Աստծո մտքի մեջ:
Այսպիսով՝ նախատեսված արդյունքի մեջ սահմանված լինելը հայտնելու համար ահա մի վկայություն նույն խոսքից. «Որովհետև քաղցած էի, և ինձ կերակրեցիք, ծարավ էի, և խմեցրիք, օտար էի, և ընդունեցիք, բանտում էի, և եկաք ինձ այցելության»: Ահա պատճառը, որ պատրաստված արքայությունը նախասահմանված է աշխարհի սկզբից: Ուրեմն՝ սրանց բարեգործ լինելը նախատեսված է աշխարհի սկզբից:
Զորավոր Սուրբ Աստվածածին եկեղեցի