29 Փետրվար, Եշ, Մեծ պահքի ԺԸ օր

Գրքեր

Բանալին

Մի բանիմաց, կրոնագետ իշխան, որ մարդկանց մեջ մեծ համբավ ուներ, երբ մահանում է, իր կրոնական գիտելիքների շնորհիվ հանդերձյալ աշխարհում արագորեն գտնում է դրախտ տանող արահետը և հայտնվում փակ դարպասների առջև: Թակում է, որպեսզի բացվեն, բայց ապարդյուն...Դարպասներից այն կողմ, հիասքանչ պարտեզում, տեսնում է իր ծառային, որն իր տանը հավաքարար էր աշխատել և զարմացած ասում.

-Մի՞թե Աստծո համար իմ ծառայի աննշան գործն ավելի արժեքավոր էր, քան իմ բոլոր կատարած մեծամեծ գործերն ու բարեգործությունները, որ իմ առջև չեն բացվում դրախտի դարպասները:

Աստծո հրեշտակն այդտեղով անցնելիս լսում է և պատասխանում.

-Այդ մարդն ամեն օր հոգատարությամբ սրբում և մաքրում էր քո տունը և նույն հոգատարությամբ էլ իր հոգին ու սիրտն էր սրբում ու մաքրում, որտեղ էլ գտավ դրախտի բանալին ու հեշտությամբ ներս մտավ: Սակայն քեզ, որ տրված էր ավելին, այդպես էլ չկամեցար մաքրել, նորոգել քո հոգու ու սրտի տունը, ուր մի անկյունում ընկած էր փոշու մեջ ծածկված դրախտի դարպասների բանալին:

 

Հովհաննես Մանուկյան

20.10.20
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․