26 Փետրվար, Մեծ պահքի ԺԵ օր

Գրքեր

Հարբեցող վանականը

Սուրբ լեռան վրա մի վանական էր ապրում: Նա ամեն օր խմում էր և ուխտավորների հետ վիճաբանության պատճառ դառնում: Երբ նա մեռավ, մի խումբ հավատացյալներ հայր Պաիսիոսի մոտ շտապեցին՝ ուրախ լուրը հայտնելու, որ վերջապես խնդիրը լուծվել է: Հայր Պաիսիոսը պատասխանեց, որ գիտի վանականի մահվան մասին և տեսել է, թե ինչպես է հրեշտակների գունդը եկել նրա հոգին տանելու: Ուխտավորները տարակուսեցին և դժգոհություն հայտնեցին: Նրանցից մեկը խնդրեց, որ ծերը հստակեցնի, թե ում մասին է խոսում՝ մտածելով, որ ծերն իրենց չի հասկացել: Հայր Պաիսիոսը հետևյալը պատմեց նրանց. «Հենց այդ վանականը ծնվել էր Փոքր Ասիայում, աղետից ոչ շատ առաջ: Որպեսզի նորածնին տանը միայնակ չթողնեն, ծնողները նրան իրենց հետ բերքահավաքի էին տանում, իսկ որպեսզի լաց չլինի, մի փոքր թունդ ալկոհոլ էին ավելացնում կաթին, և նա այդպես քնում էր: Այդ պատճառով, մեծանալով ալկոհոլին հակվեց: Բժիշկները նրան խորհուրդ տվեցին ընտանիք չկազմել, այդպես նա հայտնվեց Աթոսում և վանական դարձավ: Այնտեղ նա մի ծերի գտավ և պատմեց, որ գինեմոլ է: Ծերը նրա համար կանոն սահմանեց՝ ծնրադրություն անել և աղոթել Սուրբ Աստվածածնին, խնդրելով մեկ բաժակով կրճատել ալկոհոլի քանակը: Մեկ տարի պայքարից ու ապաշխարությունից հետո նրան հաջողվեց բաժակների քանակը 20-ից 19-ի հասցնել: Պայքարը շարունակվում էր և բոլոր տարիների ընթացքում նա հասավ օրական 2-3 բաժակի: Տարիներով մարդիկ միայն հարբեցող վանականի ու կռվարարի էին տեսնում, իսկ Աստված տեսնում էր, թե զինվորն ինչպես է մեծ եռանդով ու ջանքով պայքարում կիրքը հաղթահարելու համար»:

 

Ռուսերենից թարգմանությունը՝ Էմիլիա Ապիցարյանի

31.07.23
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․