26 Փետրվար, Մեծ պահքի ԺԵ օր

Գրքեր

Իշուկը

Մի անգամ մի իշուկ շատ ուրախ ու հպարտ վերադարձավ տուն: Մայրիկը հարցրեց, թե նա ինչո՞ւ է այդքան երջանիկ:

- Մայրի՛կ, ես ոմն Հիսուսի հետ Երուսաղեմ մտա, և մարդկանց բազմությունն ինձ տեսնելով բացականչում էր. «Օրհնյա՜լ է նա, որ գալիս է Տիրոջ անունով, օրհնությո՜ւն՝ բարձունքներում»: Եվ իրենց հագուստն ու ճյուղեր էին փռում իմ ճանապարհին,- ոգևորված պատասխանեց իշուկը:

Այդժամ մայրիկն ասաց.

- Այս անգամ միայնակ վերադարձիր քաղաք և տես, թե ինչ կլինի:

Հաջորդ օրն իշուկը միայնակ գնաց և շատ տխուր վերադարձավ:

- Անհավատալի է, մայրի՛կ: Ինձ ոչ ոք չնկատեց, իսկ երբ ուշադրություն դարձրին, ուղղակի վռնդեցին քաղաքից:

Մայրիկը նայեց նրան ու ասաց.

- Ուրեմն իմացիր, որդի՛ս, որ առանց Տիրոջ դու ուղղակի ավանակ ես:

 

Ռուսերենից թարգմանությունը՝ Էմիլիա Ապիցարյանի

29.07.23
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․