Ջահը բազմաթիվ ճյուղերով աշտանակների կամ կանթեղների միացությունն է, որ շղթաներով կախում են առաստաղից լուսավորության համար: Հնում աշտանակների վրա ամրացնում էին մոմեր, կանթեղների մեջ լցնում ձեթ և վառելով լուսավորում էին սրահները, եկեղեցիները: Այսօր մոմերին և կանթեղներին փոխարինել են էլեկտրական լամպերը: Ջահերը պատրաստված են լինում պղնձից, երկաթից և այլ մետաղներից, ինչպես նաև լինում են բյուրեղապակյա:
Ջահերը սովորաբար մեծ շրջանով են, որի վրա հարմարեցված են լինում բազմաթիվ լապտերներ: Այդ շրջանը խորհրդանշում է երկնքի հաստատությունը, իսկ լապտերները՝ աստղերը, ինչպես նաև արդարների և անթիվ հրեշտակների մշտալույս պայծառությունը իմանալի երկնքում, որոնց բարեխոսությամբ մենք լուսավորվում և զվարթանում ենք եկեղեցում:
Զորավոր Սուրբ Աստվածածին եկեղեցի