Մի՛ շտապեք նեղսրտել

Միգուցե գիտեք, որ սեպտեմբերի 11-ին երկնաքերերի վրա հարձակման ժամանակ դրանում տեղակայված մեծ ընկերություններից մեկի ղեկավարը ողջ էր մնացել, քանի որ այդ օրն առաջին անգամ որդուն մանկապարտեզ էր տարել:

Մի երիտասարդ էլ ողջ էր մնացել, քանի որ նրան ուղարկել էին խանութ:

Մեկ ուրիշը խցանման մեջ էր հայտնվել:

Մյուսն ուշացել էր ավտոբուսից:

Մի կնոջ երեխան էլ անընդհատ շեղվում էր այլ բաներով և չէին հասցրել ժամանակին դուրս գալ տնից:

Իսկ մի տղամարդ էլ նոր կոշիկներ էր հագել, որ ցավեցնում էին ոտքերը, և նա նախքան աշխատավայր հասնելը, մտել էր դեղատուն՝ պլաստիր գնելու և այդ պատճառով ողջ էր մնացել:

Հաջորդ անգամ, երբ ձեզ թվա, թե առավոտն անհաջող է սկսվել ու ամեն ինչ հակառակ է ձեզ՝ երեխաները դանդաղ են հագնվում, չեք կարողանում մեքենայի բանալին գտնել, մնացել եք խցանման մեջ, մի՛ շտապեք նեղսրտել, տրտնջալ ու բարկանալ, միգուցե այդ կերպ Տերը ձեզ հեռու է պահում որևէ փորձությունից:

Ռուսերենից թարգմանեց Էմիլիա Ապիցարյանը