26 Փետրվար, Մեծ պահքի ԺԵ օր

Գրքեր

Ուշադրությունը ճիշտ կենտրոնացնելու մասին

Երիտասարդը մոտեցավ քահանային և ասաց.

- Ես այլևս եկեղեցի չեմ գալու:

- Ինչո՞ւ,- հարցրեց քահանան:

- Տեսա, թե ինչպես է քույրերից մեկը մյուսի մասին վատը խոսում, բոլոր հավատացյալներն իրենց հեռախոսներին են նայում պատարագի ժամանակ, և դա դեռ այնքանն է, ինչ հասցրեցի նկատել…

Քահանան ասաց.

- Լավ, բայց նախքան հեռանալդ, լավություն արա՝ մի լիքը բաժակ ջուր վերցրու և երեք անգամ պտտվիր եկեղեցում՝ հատակին ոչ մի կաթիլ չթափելով: Դրանից հետո հեռացիր եկեղեցուց, եթե ուզում ես:

Երիտասարդը մտածեց, որ դա չափազանց հեշտ է: Եվ նա երեք անգամ պտտվեց եկեղեցում, ինչպես որ քահանան խնդրել էր:

Իսկ քահանան հարցրեց.

- Երբ անցնում էիր եկեղեցով, տեսա՞ր, թե քույրն ինչպես է վատը խոսում այլ քրոջ մասին:

- Ոչ,- պատասխանեց երիտասարդը:

- Տեսա՞ր, որ որևէ մեկն իր հեռախոսին է նայում:

- Ոչ:

- Իսկ գիտե՞ս ինչու:

- Ոչ:

- Դու կենտրոնացած էիր բաժակի վրա, որպեսզի ջուրը չթափես: Նույնը կատարվում է մեր կյանքում: Երբ մեր ուշադրությունը կենտրոնացած է մեր Տեր Հիսուս Քրիստոսի և աղոթքի վրա, մենք ժամանակ չունենք այլոց սխալները տեսնելու:

 

Ռուսերենից թարգմանությունը՝ Էմիլիա Ապիցարյանի

03.08.23
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․