1 Փետրվար, Դշ, Առաջավորաց պահքի Գ օր

Գրքեր

«Սերն իր ընկերոջը չար բան չի անի»

Դեկտեմբերի 27-ին Զորավոր Ս. Աստվածածին եկեղեցում, հոգևոր հովիվ Տեր Գրիգոր քահանա Գրիգորյանը Շահվալադյան Անահիտին (40 տ.) հանձնեց դրամական օգնություն (50 000 դրամ), որ տարամադրել էր համայնքի անդամ Արմինե Հարոյանը: Անահիտի կրտսեր դուստրը՝ Ռոզին (3 տ.), Դաունի համախտանիշ ունի: Փոքրիկը սրտի արատով է ծնվել և մեկ ու կես տարի առաջ սրտի վիրահատություն է տարել: Ռոզիի մայրն ասաց, որ երեխան սրտի վիրահատությունից հետո մինչ օրս բժիշկների հսկողության ներքո վերականգնողական բուժում է անցնում: Արև Ռոզին իր քրոջ, ծնողների և հորեղբոր ընտանիքի հետ բնակվում է Օհանովի 9/42 հասցեում:

«Ռոզիին խնամելու պատճառով չեմ կարողանում աշխատել, իսկ ամուսնուս աշխատավարձի և երեխայիս տրամադրվող հաշմանադամության գումարներով փորձում ենք հոգալ միայն մեր նվազագույն կարիքները»,- ասաց Անահիտը և իր երախտագիտությունը հայտնեց աջակից անձին՝ ուշադրության և աջակցության համար:

Աշխարհի վրա ապրող քրիստոնյաներին միավորում է մեկ մկրտությունը, մեկ հավատը, հույսը, որ Աստծո խոսքի համաձայն ապրողներն արժանանալու են հավիտենական երանելի կյանքին: Քրիստոսի հետևորդները՝ որպես Երկնավոր Հոր զավակներ, հարազատանում են միմյանց, մերձավոր դառնում: «Սերն իր ընկերոջը չար բան չի անի» (Հռոմ. 13:10) և «Սեր ունեցողը համբերատար է լինում, քաղցրաբարո: Սեր ունեցողը չի նախանձում, չի գոռոզանում, չի հպարտանում» (Ա Կորնթ. 13:4): Քրիստոնեական սիրո պտուղներից են՝ չարը չկամենալը և կարիքի մեջ գտնվող մերձավորին օգնության ձեռք մեկնելը: Քրիստոնյան, հավատալով Լույսին և Լույսի զավակ լինելով, Աստծո օգնությամբ փարատում է այն խավարը, որ ցավ ու տառապանք է պատճառում մարդկանց:

 

Կարինե Սուգիկյան

27.12.19
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․