Ծաղիկը

Մի երգչուհի, որ հոգևոր պայքարում շարունակ պարտվում էր, զարմանում է և դիմում իր հորը, որը քահանա էր.

- Հա´յր, ի՞նչն է պատճառը, որ շարունակ փորձությունների մեջ եմ ընկնում:

Այնուհետև մոտենում է պատշգամբում դրված ծաղկամանին, որպեսզի ծաղիկը ջրի, երբ հանկարծ հայրն առաջ է անցնում, վերցնում ջրով լի բաժակը, մեկ-երկու կաթիլ ջուր լցնում ծաղկի վրա և գոհունակությամբ ասում.

- Ահա՛ այն ջրեցի, բավարար է:

Երգչուհին խիստ զարմանում է և հարցնում.

-  Ծաղիկն ինչպե՞ս կարող է մեկ-երկու կաթիլ ջրով հագեցնել իր ծարավը, քանի որ կթոշնի ու կչորանա:

Հայրը պատասխանում է.

- Իսկ օրվա մեջ մեկ-երկու կաթիլ աղոթքով ինչպե՞ս պիտի հագեցնես հոգուդ ծարավը, որն արդեն թոշնել է և չի կարողանում ծաղկել, դիմակայել փորձություններին ու գայթակղություններին և հաղթահարել դրանք:

Հովհաննես Մանուկյան